Verkafen ass eng Saach, en echte Service bidden eng aner. Eis Verbindung mam Client besteet aus personaliséierten an authentesche Kontakter. D'Fabienne, Vendeuse zu Fléron, huet déi richteg Wierder fonnt.
Dankbarkeet
"De Julien, ee vun eisen treie Clienten, deem seng Fra krank ass, huet vun Zäit zu Zäit d'Geleeënheet fir sech eis unzevertrauen. Dat deet him siichtbar gutt. Dat bedeit och, dass hien eleng doheem an der Kichen ass, dofir gi mir him Tuyaue fir d'Produiten an d'Aart a Weis fir se ze preparéieren. Hie kënnt regelméisseg mat enger Këscht Knippercher fir eis Merci ze soen, dass mir eis ëm hie këmmeren! "
Service
"De Julien ass sécher net deen eenzegen, deem mir esou hëllefen. Vill Cliente froen eis, wéi laang d'Fleesch muss gebrode ginn oder wéi eng Bäilage se solle benotzen. Mir sinn ëmmer frou, hinne kënnen ze hëllefen. Et mécht eis Freed, wa si eis soen, dass d'Fleesch gutt ass, dass d'Auswiel grouss ass an dass se erëmkommen, well d'Personal ëmmer sympathesch an hëllefsbereet ass. "
Eng staark Verbindung mam Client
"Ech hu fir d'éischt zu Herstal geschafft, ech schaffen awer elo schonn zënter méi wéi 25 Joer zu Spa. Viru Kuerzem ass e Client an d'Geschäft komm. Hien hat mech net méi gesinn zanter menge Joren zu Herstal, mä hien huet mech awer erëmerkannt. Dat gëtt Iech eng Iddi vun der gudder Relatioun, déi mir mat eise Clienten hunn. Jo, dat ass eppes op dat meng Kollegen an ech alleguer houfreg sinn. "