Renmans, e Familljebetrib zu 100%.
Méi wéi 4000 Mataarbechter garantéieren eise Clienten all Dag Qualitéit, Frëscht a gutt Rotschléi. Si sinn eng Unitéit an applizéieren alleguer d'Philosophie vu Renmans: géigesäitege Respekt, Respekt vun de Produiten a vun de Clienten.
Student(in)
Renmans bitt gär Studentenaarbecht un. Är Hëllef ass eis ganz nëtzlech samschdes, wa vill lass ass, oder während de Vakanzen. Mir entscheeden zesummen, wat am beschten zu Iech passt: am Atelier, un der Théik oder bei de Preparatiounen hëllefen. Mir hunn eppes fir jiddereen a mir garantéieren Iech eng Aarbecht a séchere Konditiounen, wou Dir déi néideg Kenntnisser kritt. Dir gitt als vollwäertege Member vun der Equipe ugesinn! Et ass selbstverständlech, dass Dir musst bereet sinn ze schaffen, gär Kontakt mat Leit hutt, léiere wëllt an eng irreprochabel Hygiène hutt. Eist Zil ass déi bescht méiglech Qualitéit! Als Géigeleeschtung gitt Dir gutt bezuelt an Dir kënnt Iech op Är Kollege verloossen, déi Iech ënnerstëtzen an Iech déi néideg Rotschléi ginn.
Verkeefer/Verkeefesch
Gär a Kontakt mat Cliente sinn, hir Besoine mat engem Laachen erfëllen an déi verschidde Landessprooche schwätzen (Franséisch, Lëtzebuergesch, Portugisesch): dat ass alles wat Dir braucht. De Rescht brénge mir Iech bäi. Dir passt op, dass eis Produiten ëmmer perfekt presentéiert sinn an Dir bitt e professionelle Service. Dir sidd ëmmer opmierksam, sympathesch a motivéiert. Fir dat ze maachen, sidd Dir gutt entouréiert. D'ganz Equipe schafft zesummen, fir dass eis Clienten eng agreabel Erfahrung hunn. Dir inspiréiert d'Leit gär an Dir gitt hinne gär Rotschléi. Mir proposéieren Iech eng zollitt Formatioun an eng attraktiv Pai an engem Betrib, deem d'sozial Aspekter wichteg sinn. Dir wësst, dass eis Metzlereie samschdes op sinn - an an noer Zukunft och sonndes - an dat ass kee Problem fir Iech.
Metzler
D'Metzlere sinn d'Piliere vun eisem Betrib. Et ass wéinst Ärem Gespier fir de Beruff an d'Qualitéit dass d'Cliente erëmkommen. Fleesch vu gudder Qualitéit ass selbstverständlech Är Passioun an Dir wëllt Äert Wëssen an Är Kenntnisser konstant perfektionéieren. Dir schafft aktiv an Ärer Equipe an Dir fillt Iech matverantwortlech fir d'Ambiance an d'allgemeng Motivatioun. Wat Är Perséinlechkeet ugeet, sidd Dir geselleg an enthousiastesch, Dir schafft gär an der Equipe an Dir wëllt, dass d'Resultater duerch Är Kollaboratioun erzielt ginn. Dir hutt déi folgend Charakteristiken: Dir hutt e Gespier fir Qualitéit a sidd um Client orientéiert. Als Géigeleeschtung fir Äert Engagement profitéiert Dir vu ville Méiglechkeete fir Iech z'entwéckelen a fir an Ärer Carrière weiderzekommen, zum Beispill andeems Dir Chefmetzler, stellvertriedende Chef oder Chef de Groupe gitt.
(Stellvertriedende) Chefmetzler
Als Chefmetzler oder stellvertriedende Chefmetzler ass Är Aufgab, d'Geschäft an den Atelier vu Renmans an engem impeccabelen Zoustand ze halen, dank Ärer Kenntnis (vun de Leit), Ärem Knowhow an Ärer Erfahrung. Dir kënnt d'Ressourcen aus Ärer grousser Erfahrung uwende fir eng Equipe ze dirigéieren an ze motivéieren. Dir sidd capabel, dës Kapazitéit op de kommerzielle Beräich unzewennen, zesumme mat engem präzise Gespier fir d'Qualitéit, d'Hygiène an d'Traditioun vu Renmans. Dir sidd fir all Froen a Bemierkungen aus Ärer Equipe op. Kuerz gesot, Dir sidd de Pilier vun der Organisatioun op allen Niveauen. En ambitiéise Posten, dee vun all dem néidege professionellen Encadrement profitéiert. Dir kritt eng attraktiv Pai, zousätzlech Virdeeler a Primen, déi vun de Resultater ofhänken.