Vu wou kënnt d'Fleesch, dat bei Renmans verkaf gëtt?
Renmans wielt Fleesch aus der Regioun. Als Familljebetrib vertraue mir de lëtzebuergeschen a belschen Ziichter, déi eis schonn zanter méi wéi 30 Joer Fleesch vu beschter Qualitéit liwweren. Eist Schwéngefleesch kënnt aus Lëtzebuerg, eist Rëndfleesch an eist Kalleffleesch aus der Belsch an aus Lëtzebuerg, mat der Ausnam vun e puer méi spezielle Stécker, déi aus Uruguay oder Irland kommen. Eist Gefligel kënnt aus der Belsch, mat der Ausnam vun der Dinde, déi aus Frankräich kënnt, an d'Hämmelfleesch kënnt aus dem Vereente Kinniksräich.
Wéi garantéiert Dir d'Frëscht vum Fleesch?
Kuerz Weeër: De gréissten Deel vun eisem Fleesch gëtt direkt vum Schluechthaus un eis Filiale geliwwert. Mir evitéieren esou d'Tëschenhändler, d'Stockéieren an onnéideg Transporter.
D'Gehacktes gëtt e puer Mol pro Dag vun eisen eegene Metzleren an eise Metzlereie frësch preparéiert. Esou adaptéiere mir eis Produktioun un d'Nofro an d'Gehacktes ass optimal frësch. Mir huelen et aus der Vente eraus, wann et net banne 24 Stonne verkaf gëtt.
Keng Gefréiertruhen. Mir verschaffen nëmme frëscht Fleesch. Aus dësem Grond gëtt et keng a wäert et och ni Gefréiertruhen an eise Metzlereie ginn. Eis Fournisseure liwweren d'Fleesch an all Metzlerei e puer Mol d'Woch. Eis Metzlere kënnen dofir all Dag frëscht Fleesch a frësch Spezialitéite preparéieren. Dir kënnt eis Produite selbstverständlech mat vollem Vertraue selwer afréieren.*
| * Mat Ausnam vun der Rëndszong an de Schwéngsrëppen, déi mir heiansdo entdeet geliwwert kréien. Wann dat de Fall ass, steet dat op der Etiquette an der Metzlerei. |
Wou kréien ech Informatiounen iwwer Zutate wéi Gluten, Allergenen, asw.?
Dir fannt d'Informatiounen iwwer d'Allergenen an all Produit ënnert der Rubrik "Produiten". Eis Vendeuren an der Metzlerei kënnen Iech och renseignéieren, well dës Informatiounen och an eise Woe sinn.
Wéi eng Quantitéit Fleesch soll ee pro Persoun virgesinn?
Meeschtens ginn tëschent 200 an 300 g Fleesch pro Persoun virgesinn, jee nodeems wéi grouss d'Entrée an den Appetit vun den Invitéen ass.